རྒྱ་ནག་གི་རྩོམ་པ་པོ་ཚོར་ནོའུ་པེལ་བྱ་དགའ་མ་ཐོབ་པའི་གནས་ལུགས་དམར་ཧྲེང་མ་བདུན།
ཚའོ་ཁྲང་ཆིན་གྱིས་བརྩམས།
མང་རའི་གངས་ཐིགས་ཀྱིས་བསྒྱུར།
ལུའུ་ཞུན་གྱིས་ཐེངས་ཤིག་ལ་ "ངས་རྒྱ་ནག་ནང་དངོས་གནས་ནོའུ་པེལ་བྱ་དགའ་ཐོབ་འོས་པའི་མི་སུ་ཡང་མི་འདུག་བསམ་གྱིན་ཡོད།
སི་ཝེ་ཊན་གྱིས་ང་ཚོ་སྣང་མེད་དུ་བསྐྱུར་ན་ཡག་ཤོས་རེད།
གལ་ཏེ་གདོང་པགས་སེར་བོའི་མི་དམངས་ལ་ཕྱོགས་ཞེན་གྱི་མནོ་བསམ་འོག་ནས་བྱ་དགའ་གནང་བ་ཡིན་ན།
དེ་ཡིས་ཁོང་ཚོས་དངོས་གནས་ཕྱི་རྒྱལ་གྱི་རྩོམ་པ་པོ་གྲགས་ཅན་དེ་ཚོར་དང་ལྷན་དུ་མཉམ་འགྲོ་བྱེད་ནུས་པའི་ཡིད་ཆེས་ཤིག་བསྐྲུན་ངེས་ཤིང༌།
དེ་ཡིས་རྒྱ་མིའི་རང་ཕན་རང་ལུགས་ཁོ་ནར་སྐུལ་འདེད་གཏོང་ངེས།
དེའི་མཇུག་འབྲས་ཡག་པོར་གཏན་ནས་འགྱུར་མི་སྲིད།" ཅེས་བརྗོད་ཡོད་པ་རེད།
ནོའུ་པེལ་ལྷན་ཚོགས་ཀྱི་ཚོགས་གཙོ་ཡིས་རེས་གཟའ་པ་སངས་ཉིན་དུས་རབས་གཅིག་གི་ནོའུ་པེལ་རྩོམ་རིག་བྱ་དགའ་མཐའ་མ་དེ་རྗར་མན་གྱི་རྩོམ་པ་པོ་གྷན་ཊིར་གྷུ་ར་སི་ལ་གནང་སྟེ་དུས་རབས་འདིའི་རྩོམ་རིག་གྲགས་ཅན་ཞིག་ལ་ངོས་འཛིན་བྱས་སོང༌།
དེ་ཡིས་འཛམ་གླིང་ཕྱོགས་གང་སར་བརྡ་ལན་མང་པོ་ཞིག་སྤྲད་ཡོད་ལ་དེ་ལས་ང་ཚོས་གསལ་གསལ་ཐིང་ཐིང་གིས་གོ་ཐུབ་པ་ནི་མི་དམངས་མང་པོའི་སྐད་སྒྲ་མ་ཡིན་པར་རྒྱ་མི་ཚོའི་འབོད་སྒྲ་ཡིན་ངེས་རེད།
ཁོ་ཚོས་ནོའུ་པེལ་གཟེངས་རྟགས་ཀྱི་ལས་འགུལ་འདི་སྤེལ་ནས་ལོ་ངོ་བརྒྱ་ཕྲག་དང་པོ་འགོར་བའི་དུས་ཡུན་རིང་རྒྱ་ནག་གི་རྩོམ་པ་པོ་ཚོར་ཅིའི་ཕྱིར་མ་རེག་པ་རེད་ཟེར།
འཛམ་གླིང་མི་འབོར་གྱི་ལྔ་ཆའི་གཅིག་ཟིན་ཅིང་རིག་གཞུང་དང་སྲོལ་རྒྱུན་རྩོམ་རིག་གི་ལོ་རྒྱུས་ཀྱི་རྒྱུན་རིང་ཞིང་གཏིང་ཟབ་པའི་རྒྱ་ནག་འདི་འཛམ་གླིང་རྒྱལ་ཁབ་གཞན་དག་དང་བསྡུར་ན་འབྲི་རྩོམ་གྱི་ངལ་རྩོལ་ལ་དུང་ཞེན་དང་ལས་རིགས་འདི་དང་དུ་ལེན་མཁན་གྱི་མི་འབོར་མང་པོ་ཡོད་ངེས་པ་རེད།
ཡིན་ནའང༌།
ཅིའི་ཕྱིར་རྒྱ་མི་རྩོམ་པ་པོ་ཚོར་ནོའུ་པེལ་བྱ་དགའ་མ་ཐོབ་པ་རེད།
དེ་ལ་རྒྱུ་མཚན་མང་པོ་ཡོད་སྲིད་མོད། བསམ་བློ་གཏོང་རིན་ཡོད་པ་དག་གཤམ་གསལ་ལྟར།
ཆབ་སྲིད་ཀྱིས་རྩོམ་རིག་ལ་བཙན་འཛུལ་བྱས་པ།
ནོའུ་པེལ་རྩོམ་རིག་བྱ་དགའ་འདི་དུས་རབས་འདིའི་ནང་འགོ་བཙུགས་ཡོད་ལ།
རྒྱ་ནག་གི་ཆབ་སྲིད་ཀྱི་རྩོམ་རིག་ཀྱང་དེ་མཚུངས་ཡིན། སྤྱི་ལོ་༡༩༢༠
ལོའི་འགོ་སྟོད་ནས་བཟུང༌།
རྩོམ་པ་པོ་དང་མཁས་པ་དཔེར་ན་ཧུའུ་ཧྲི་ལྟ་བུ་དག་གིས་རྒྱ་ཡིག་འདི་དེང་རབས་ཅན་དུ་སྒྱུར་བར་རྒྱབ་སྐྱོར་བྱས་ཡོད་པ་རེད།
ཁོང་ཚོས་དེ་ལྟར་བགྱིས་པའི་དམིགས་ཡུལ་ནི་རྩོམ་རིག་ལ་གསར་བརྗེ་ཞིག་བྱུང་ན་བསམས་པ་རེད།
ཡིན་ནའང༌། མི་རིང་བར་འདི་ཆབ་སྲིད་ཀྱི་ལས་འགུལ་ཞིག་ཏུ་གྱུར་ཏེ་ "རྒྱལ་ཁབ་ཉེན་ཁ་ལས་བསྐྱབས་ནས་སྟོབས་ལྡན་ཅན་དུ་བསྒྱུར་དགོས" ་ཞེས་པར་དམིགས་པ་རྩེ་གཅིག་ཏུ་གཏད་ཡོད།
དེ་ནས་རིང་བོ་མ་འགོར་བར་རྒྱལ་གཅེས་ཀྱི་གཡུལ་འཁྲུག་དེ་རི་འགོག་དམག་འཁྲུག་ལ་ངོ་རྒོལ་ཞེས་པའི་ལས་འགུལ་འོག་བཅུག་ཡོད།
དེའི་འབྲས་བུ་ལ་ "རི་པན་ལ་ངོ་རྒོལ་བྱས་ཏེ་རྒྱལ་ཁབ་སྐྱོབ་དགོས" ་ཞེས་པ་དེ་རྩོམ་པ་པོ་མང་ཤོས་ཀྱི་འབོད་ཚིག་ཏུ་གྱུར་ཡོད་ཅིང༌། "རྒྱལ་ཁབ་སྲུང་སྐྱོབ་ཀྱི་རྩོམ་རིག"་ཏུ་གྲགས་པ་དེའང་དུས་ཡུན་གང་འཚམ་རིང་དར་སྲོལ་ཆེན་པོར་ཆགས་ཡོད།
རི་འགོག་དམག་འཁྲུག་མཇུག་བསྒྲིལ་མ་ཐག་གོ་མིན་ཏང་དང་གུང་ཁྲན་ཏང་བར་ནང་ཁུལ་ལ་དམག་འཁྲུག་ལངས་ཏེ་རྩོམ་རིག་དབང་སྒྱུར་བྱ་བར་འགྲན་རྩོད་བྱས་ཡོད་ལ།
རྩོམ་པ་པོ་མང་ཆེ་ཤོས་ཆབ་སྲིད་ཅན་གྱི་རྩོམ་རིག་ལ་དགའ་བཞིན་སྤྲོ་བཞིན་དུ་ཞུགས་ཡོད།
དམར་ཕྱོགས་ཚོགས་པས་རྒྱ་ནག་དབང་སྒྱུར་གནང་རྗེས་རྩོམ་པ་པོ་ཚོའི་གསར་སྐྲུན་གྱི་རང་དབང་འཕྲོག་ཡོད་པ་མ་ཟད།
དམར་ཕྱོགས་ཀྱི་ལྟ་བའི་སྒྲོམ་གཞི་དང་འཚམ་དགོས་པར་བཟོས་ཡོད།
རྒྱ་ནག་གི་ཆེས་ཕུལ་བྱུང་བརྩམས་ཆོས་དཔེར་ན་"དྲག་ཆར་རླུང་འཚུབ" དང་ "དར་དམར་དམར་པོ" "ལང་ཚོའི་གཏམ་རྒྱུད" ་བཅས་ཀྱིས་འདས་པའི་བགྲང་བྱ་ལྔ་བཅུའི་རིང་གི་རྒྱ་ནག་གི་རྩོམ་རིག་གི་ཁྱད་ཆོས་མཚོན་ཡོད།
དེ་དག་ནི་སྤྱི་ཚོགས་ཀྱི་ཆ་འཕྲིན་དང་དམར་ཕྱོགས་རིང་ལུགས་ཀྱི་ལྟ་བའི་རྩོམ་རིག་གི་དྲིལ་བསྒྲགས་པ་ཡིན།
རྩོམ་པ་པོ་ཚོ་ཆབ་སྲིད་རིག་པའི་བཙན་དབང་འོག་ནས་དམར་ཕྱོགས་ཚོགས་པའི་གཡོག་པོ་བྱེད་དགོས་བྱུང་ཡོད།
ཞིབ་ཚགས་པའི་སྒོ་ནས་སྲིད་ཇུས་སུ་བསྒྱུར་བའི་ཤེས་རབ་ཀྱི་མཁའ་དབུགས་འདིའི་འོག་ནས་རྩོམ་པ་པོ་ཚོས་རིམ་བཞིན་ཁོང་ཚོའི་རང་དོན་རིང་ལུགས་དང་མི་གཤིས།
ཚོར་ནུས་བཅས་བརླགས་ཡོད། མའོ་ཡི་དུས་སྐབས་སུ་རྩོམ་རིག་བརྩམས་ཆོས་མང་ཆེ་ཤོས་ཀྱིས་འགྲོ་བ་མིའི་རིན་ཐང་དག་གི་དར་སྤེལ་ཚབ་ལ་གསར་བརྗེའི་སྙིང་སྟོབས་སྤེལ་གནང་ཡོད།
འདས་པའི་ལོ་ངོ་ཉི་ཤུའི་ནང་རྒྱ་ནག་གི་བྲིས་རྩོམ་ནང་དུ་གསར་བརྗེའི་མི་སྣ་དག་ཉུང་དུ་བཏང་ཡོད་ནའང་ཡུན་རིང་བོའི་ཆབ་སྲིད་དབང་སྒྱུར་གྱི་ "གསར་བརྗེའི" ་བརྗོད་བྱ་དག་གིས་རྒྱ་ནག་གི་རྩོམ་པ་པོ་ཚོའི་༼་ ༽ལ་གདོང་ལེན་གྱིས་ནུས་ཤུགས་ལ་འགོག་རྐྱེན་བཟོས་ཡོད། ༼
༽ནི་ཕུལ་བྱུང་རྩོམ་རིག་གི་རྒྱུ་ཆ་ཡིན་པ་འཛམ་གླིང་སྤྱི་ཡོངས་ཀྱིས་ཁས་ལེན་གྱིན་ཡོད།
རྒྱ་ནག་གི་རྩོམ་པ་པོ་ཁོ་རང་ཚོས་འདི་ཧ་གོ་ཡི་མེད་པ་འདྲ།
འདས་པོ་རྩོམ་པ་པོ་དང་ཨ་ལེ་སེད་སི་ཡིག་སྒྱུར་བ་ཞའོ་ཆིན་གྱིས་ནོའུ་པེལ་ལྷན་ཚོགས་ཀྱིས་རྒྱ་ནག་གི་རྩོམ་རིག་ནང་གི་ཞིང་པ་དང་ལས་བཟོ་བ་དག་གི་དཔའ་བོའི་སྣང་བརྙན་རྟོགས་ཀྱི་མི་འདུག་ཅེས་སྨྲེ་སྔགས་བཏོན་འདུག་ལ།
མི་རབས་གསར་བའི་ན་གཞོན་རྩོམ་པ་པོ་བང་ཨན་ཡུས་ཀྱིས་ཀྱང་ཉེ་ཆར་ཀྲང་ཨད་ལིན་ལ་མོ་རང་གིས་འབྱོར་ལྡན་གྲལ་རིམ་དག་གི་བསམ་བློའི་འདུ་ཤེས་ཁོ་ན་འབྲི་གིན་ཡོད་ཅེས་འགྲེལ་བརྗོད་བྱས་འདུག
ཐ་དད་པའི་མི་རབས་གཉིས་ཀྱི་རྩོམ་པ་པོ་གྲགས་ཅན་གཉིས་ཀས་རྩོམ་རིག་གི་གོ་དོན་དང་དགོས་དམིགས་ད་དུང་རྟོགས་ཀྱི་མེད་པ་འདྲ།
དེ་ནི་ཧ་ཅང་ཁྱད་མཚར་བ་ཞིག་རེད།
གལ་ཏེ་འཆར་སྣང་བྲིས་རྩོམ་གྱི་བརྗོད་བྱ་དག་གིས་ངེས་པར་དུ་སྤྱི་ཚོགས་སྡེ་ཚན་ངེས་ཅན་ཞིག་གམ་རིན་ཐང་ཁྱད་པར་བ་དག་འགྲེམས་སྟོན་བྱེད་དགོས་ན་རྩོམ་རིག་ནི་ཆབ་སྲིད་རིག་པ་ལ་བསྒྱུར་ཚར་བ་རེད།
རྒྱ་ནག་གི་སྲོལ་རྒྱུན་རིག་གཞུང་གི་བྲན་བཀོལ་རིང་ལུགས།
ཡིན་ནའང༌།
རྒྱ་ནག་ལ་ནོའུ་པེལ་རྩོམ་རིག་བྱ་དགའ་ཐོབ་མ་ཐུབ་པའི་ཕམ་ཁའི་གནད་དོན་གཙོ་བོ་དེ་ཆབ་སྲིད་རིག་པ་གཅིག་པུར་ཁག་འགེལ་མི་རུང༌།
དེ་མིན་དམར་ཕྱོགས་རིང་ལུགས་ཀྱི་རྒྱལ་ཁབ་ཟུར་བ་ཨུ་རུ་སི་མཉམ་འབྲེལ་རྒྱལ་ཁབ་ཀྱི་རྩོམ་པ་པོ་དང་སྙན་ངག་པ་ལྔ་ལ་ཅིའི་ཕྱིར་ཆེ་མཐོང་གཟེངས་རྟགས་དེ་ཐོབ་པ་རེད།
ཨུ་རུ་སི་མཉམ་འབྲེལ་རྒྱལ་ཁབ་ཀྱང་རྒྱ་ནག་ནང་བཞིན་རིག་གཞུང་དེ་སྲིད་ཇུས་སུ་བསྒྱུར་བ་དང་ལམ་ལུགས་དེ་ཆབ་སྲིད་རིག་པ་རུ་བསྒྱུར་བའི་རྒྱལ་ཁབ་ཅིག་ཡིན།
དམར་ཕྱོགས་རིང་ལུགས་ཀྱི་དབང་སྒྱུར་འོག་མེད་པའི་ཐེ་ཝན་ལ་མི་འབོར་ས་ཡ་ཉེར་གཉིས་ཡོད་ནའང་ཅིའི་ཕྱིར་ནོའུ་པེལ་གཟེངས་རྟགས་ལེན་མཁན་གྱི་མི་སྣ་ཞིག་སྐྱེད་སྲིང་བྱེད་མ་ཐུབ་པ་རེད།
དེ་ལས་ལྡོག་སྟེ་མི་འབོར་ཉུང་ངུ་ལས་མེད་པའི་ཨོ་སུ་ཊི་རེ་ཡ་ཡིས་ཅིའི་ཕྱིར་སྐྱེད་སྲིང་བྱེད་ཐུབ་པ་བྱུང་ཡོད་པ་རེད།
དོན་དངོས་སུ་རྒྱ་ནག་གིས་ལོ་ངོ་བརྒྱ་ཕྲག་ཙམ་མ་ཡིན་པར་འདས་པའི་ལོ་ངོ་ཉིས་སྟོང་རིང་གི་ལོ་རྒྱུས་ནང་འཛམ་གླིང་སྤྱི་ཡོངས་ནས་ངེས་ལེན་བྱས་པའི་ཕུལ་བྱུང་གི་རྩོམ་རིག་སྒྱུ་རྩལ་གང་ཡང་ཐོན་སྐྱེད་བྱེད་ཐུབ་མེད།
དེར་བརྟེན། དམར་ཕྱོགས་རིང་ལུགས་ཁོ་ན་ལ་ངན་ཁག་དཀྲིས་པ་ཙམ་ཀྱིས་འགྲིག་གིན་མེད།
དེ་རུ་ངེས་པར་དུ་ཐག་གཅོད་བྱེད་དགོས་པའི་དཀའ་ངལ་ཆེན་པོ་མང་པོ་ཞིག་ཡོད།
རྒྱ་ནག་གི་འདས་པའི་ལོ་ངོ་ཉིས་སྟོང་རིང་གི་ལོ་རྒྱུས་ནང་དུ་རིག་གཞུང་ཕྱོགས་ཞེན་གྱིས་ནམ་རྒྱུན་དུ་རྒྱལ་ཁབ་དང་མི་རིགས།
མི་དམངས་མཉམ་བསྡེབས་ཀྱི་ལྟ་ཚུལ་དག་མི་ཚེའི་རིན་ཐང་དང་མི་ཚེའི་ཆེ་མཐོང༌།
མི་སྒེར་གྱི་རང་དབང་བཅས་ཀྱི་སྒང་ལ་འཇོག་གི་ཡོད།
འདི་ལྟ་བུའི་རིན་ཐང་ཕྱོགས་ཞེན་འདི་ནི་མེད་དུ་མི་རུང་བའི་རྩོམ་རིག་སྒྱུ་རྩལ་གྱི་འཚོལ་སྙེག་སྟེ་འཚོ་བའི་སྙིང་བོ་དང༌།
མི་སྒེར་གྱི་འཚོ་བའི་རིན་ཐང༌། བརྩེ་བ། སྡུག་བསྔལ།
བྱམས་བརྩེ་སོགས་ལ་རྩོད་རྙོག་འབྱུང་གི་ཡོད།
རིག་གཞུང་ཞིག་གི་རིན་ཐང་གཙོ་བོ་དེ་འགྲོ་བ་མི་སྒེར་གྱི་སྟེང་ལ་དམིགས་སུ་བཟུང་མེད་དུས།
དེ་རུ་མི་བུ་སྒེར་བ་ཞིག་མེད་ལ།
མི་བུ་རེ་རེ་ནི་རང་ཚུགས་མེད་པའི་མི་དམངས་ཀྱི་ཆ་ཤས་ཤིག་ཏུ་གྱུར་ཡོད།
རང་དོན་རིང་ལུགས་མེད་པའི་རིག་གཞུང་ཞིག་གི་ནང་ནས་མི་བུ་བྱེ་བྲག་པའི་ཁྱད་ཆོས་མཚོན་པའི་སྒྱུ་རྩལ་རྩོམ་རིག་ཅིག་འབྱུང་བར་བསམ་རྒྱུ་ནི་ཧ་ཅང་གི་ཁག་པོ་རེད།
མི་སྒེར་དྲག་གནོན་གྱི་རིག་གཞུང་ཞིག་གི་ནང་འཇིག་རྟེན་ཀུན་ཁྱབ་ཀྱི་བསམ་བློ་ཞིག་རྙེད་ཀྱི་མེད་པ་ཁས་མི་ལེན་ཐབས་མེད་རེད།
དེར་བརྟེན། འདི་ལྟ་བུའི་རིག་གཞུང་ཞིག་གིས་འཇིག་རྟེན་ཡོངས་ཁྱབ་ཀྱི་གནས་སྟངས་མཚོན་ཐུབ་པའི་ཐུན་མིན་ཁྱད་ཆོས་ཀྱིས་ཕྱུག་པའི་རྩོམ་རིག་ཅིག་ཐོན་སྐྱེད་བྱེད་མི་ནུས་པ་ལས་ཀྱིས་བསྐོས་ཡོད་པ་རེད།
རྩོམ་རིག་གི་ཞིང་ས་དབེན་པ།
རྩོམ་འབྲི་མཁན་མང་ཆེ་ཤོས་ཀྱིས་གཞན་རྩོམ་བཀླགས་ཏེ་སོ་སོའི་འབྲི་རྩལ་སྦྱོང་གི་ཡོད།
ཁོང་ཚོར་རྩོམ་རིག་དང་སྙུ་གུ་བརྡར་སའི་ཁོར་ཡུག་ཅིག་དང་གཞན་དག་གིས་ཁོང་ཚོའི་མ་སྐད་དང་རིག་གཞུང༌།
སྤྱི་ཚོགས་ཀྱི་གནད་དོན་དག་ཇི་ལྟར་མཚོན་གྱི་ཡོད་པར་བལྟ་དགོས་ཀྱི་ཡོད།
འདི་འགྲུབ་ཆེད་གཙོ་བོ་ཁོང་ཚོ་སོ་སོའི་སྲོལ་རྒྱུན་གྱི་རྩོམ་རིག་ལ་ཉེ་བར་བཅར་དགོས་ཀྱི་ཡོད།
སྟབས་མ་ལེགས་པ་ཞིག་ལ་རྒྱ་ནག་གི་རྩོམ་པ་པོ་ཚོར་ཕ་མེས་ནས་བརྒྱུད་པའི་རྩོམ་རིག་གི་ཐོབ་སྐལ་མེད་པའི་སྡུག་བསྔལ་མྱོང་གིན་ཡོད།
རྒྱ་ནག་གི་ཆེས་ཕུལ་བྱུང་བརྩམས་ཆོས་མང་ཆེ་ཤོས་གནའ་བོའི་ཡིག་སྐད་རྩོམ་ཡིག་ནང་བྲིས་ཡོད།
དེང་རབས་ཀྱི་རྩོམ་པ་པོ་ཚོས་དེ་དག་ཀློག་གི་མེད་ལ་སྐད་ཡིག་དེ་ལྟ་བུའི་ནང་རྩོམ་ཡིག་འབྲི་གིན་ཡང་མེད་སྟབས་དེ་ལས་ཁེ་ཕན་ཅི་ཡང་ཐོབ་ཀྱི་མེད།
རྒྱ་ནག་གི་ཕུལ་བྱུང་གནའ་རྩོམ་དག་དེང་དུས་རྒྱའི་སྐད་ཡིག་ལས་ཁྱད་པར་ཤིན་ཏུ་ཆེན་པོ་ཡོད་སྟབས།
རྩོམ་པ་པོ་ལིན་ཡུའུ་ཐང་གིས་
"སེམས་ཁམས་རིག་པའི་ཐད་ནས་བརྗོད་ན།
རྒྱ་ནག་གི་གནའ་བོའི་ཡིག་སྐད་རྩོམ་ཡིག་སྦྱོང་བ་ནི་ཕལ་ཆེར་ཕྱིའི་སྐད་ཡིག་ཅིག་སྦྱོང་བ་དང་འདྲ" ་ཞེས་བརྗོད་ཡོད།
ཕྱེད་ཀ་གནའ་རྩོམ་དང་ཕྱེད་ཀ་དེང་དུས་རྒྱའི་སྐད་ཡིག་ནང་ཡོད་པའི་བརྩམས་ཆོས་ཀློག་ནུས་པ་ཁ་ཤས་ཤིག་ཡོད་པ་དཔེར་ན།
ཐོག་ཁང་དམར་བོའི་རྨི་ལམ་དང་རྒྱལ་ཁབ་གསུམ་གྱི་གཏམ་རྒྱུད།
ཆུ་ངོགས་གཏམ་རྒྱུད་བཅས་ཡིན། འདི་དག་གིས་དེང་དུས་ཀྱི་རྒྱའི་རྩོམ་པ་པོ་དག་ལ་རྩོམ་རིག་གི་འཚོ་བཅུད་ཅུང་ཟད་མཁོ་སྤྲོད་བྱས་ཡོད་པ་ར་སྤྲོད་གནང་ཡོད།
འདི་དག་ལས་ཆེས་ཕུལ་དུ་བྱུང་བ་ཐོག་ཁང་དམར་བོའི་རྨི་ལམ་ནང་མི་སྣ་དང་ཁོར་ཡུག་གི་ཞིབ་འབྲི་ཆེས་ཕུལ་དུ་བྱུང་བ་ཡིན་ནའང་འགྲོ་བ་མིའི་ཆེས་ཟབ་པའྀ་ཚོར་སྣང་ལ་དཔྱད་ཞིབ་གནང་ཐུབ་མེད།
རྒྱལ་ཁབ་གསུམ་གྱི་གཏམ་རྒྱུད་དང་ཆུ་ངོགས་གཏམ་རྒྱུད་གཉིས་ནི་མི་དམངས་ནང་གྲགས་ཆེ་བའི་རྟོག་སྒྲུང་ཡིན་པ་ལས་རྩོམ་རིག་གི་སྒྱུ་རྩལ་ཐད་ནས་གླེང་དོན་ཅི་ཡང་ལྷག་མེད།
དེར་བརྟེན།
རྒྱ་ནག་གི་དེང་རབས་རྩོམ་རིག་གི་ཕ་ཤུལ་བུ་འཛིན་གྱི་རྒྱུ་ནོར་ནི་གྲངས་འབོར་དང་སྤུས་ཚད་གཉིས་ཀའི་ཐད་ནས་དཀོན་པོ་ཆགས་ཡོད།
ཨུ་རུ་སི་མཉམ་འབྲེལ་རྒྱལ་ཁབ་དང་རྒྱ་ནག་གི་དམར་ཕྱོགས་རིང་ལུགས་པའི་ཆབ་སྲིད་རིག་པའི་བར་ལ་འདྲ་མཚུངས་ཀྱི་ཆ་ཡོད་པའི་སྟེང་སྤྱི་ཚོགས་དང་ཆབ་སྲིད་ཀྱི་དམིགས་ཡུལ་གྱི་ཆེད་དུ་བཙན་དབང་གི་སྒོ་ནས་རྩོམ་རིག་དང་ལེན་བྱེད་དགོས་བྱུང་ཡོད་ནའང༌།
ཨུ་རུ་སི་ནང་ནོའུ་པེལ་རྩོམ་རིག་གཟེངས་རྟགས་ལེན་མཁན་གྱི་མི་སྣ་ལྔ་བྱུང་བར་འདི་ཡིས་བཀག་འགོག་ཅི་ཡང་བྱས་མེད།
འདིའི་རྒྱུ་མཚན་ནི་རཱ་ཤི་ཡ་ཡི་རྩོམ་རིག་གི་སྲོལ་རྒྱུན་ཕྱུག་པོ་ཡིན་པ་བརྗོད་ག་ལ་དགོས།
རཱ་ཤི་ཡ་ཡི་རྩོམ་པ་པོ་ཚོར་ཁོང་ཚོའི་སྲོལ་རྒྱུན་གྱི་རྩོམ་པ་པོ་གྲགས་ཅན་དཔེར་ན་ཕུའུ་ཞི་ཁིན།
གྷོ་གྷོལ། ཐིར་གྷེ་ནེ་བུ། ཊོལ་སུ་ཊོ་ཡེ།
སྒྲོ་སུ་ཊོ་སོགས་ཀྱིས་ཤུལ་དུ་རྩོམ་རིག་གི་ནོར་སྐལ་འབེལ་འབེལ་ལྷུག་ལྷུག་བཞག་ཡོད།
རཱ་ཤི་ཡ་ཡི་རྩོམ་རིག་ནི་འཛམ་གླིང་ཡོངས་ནས་གདེང་འཇོག་བྱས་ཡོད། ཡིན་ནའང༌།
རྒྱ་ནག་གི་རྩོམ་རིག་ནི་རྒྱ་ནག་ཁོ་ནའི་ནང་ངོས་ལེན་བྱེད་ཀྱིན་ཡོད།
མཚམས་མཚམས་སུ་ཨ་མེ་རི་ཀའི་དཔེ་ཚོང་ཁང་དག་ཏུ་ང་ཚོས་ཐོག་ཁང་དམར་བོའི་རྨི་ལམ་གྱི་དབྱིན་འགྱུར་མ་མཐོང་སྲིད་པ་རེད།
ཡིན་ནའང༌། མི་སུ་ཞིག་གིས་ཀྱང་ཚའོ་ཞོའོ་ཆིན་སུ་ཡིན་མིན་ཤེས་ཀྱི་མེད།
རྩོམ་
ཁོང་
དེ་
ཕྱི་
རྒྱ་
ཁོང་
དེ་
ཕྱི་
རྒྱ་
དེང་
རྒྱ་
རྒྱ་
རྒྱ་
རྒྱ་
རྒྱ་
གཤིས་
རྒྱ་
ང་
རྒྱའི་
སྤྱི་
ཕལ་
ཕལ་
No comments:
Post a Comment